Махтал,  учууталга!

Телефон доверия для детей, подростков и их родителей 88002000122

Үтүөҕэ үөрэтэр, үрдүккэ көтүтэр,

Үтүөкэн доҕорбор учуутал сирдьиппэр

Уруйу туойабын, айхалы аныыбын!

  Алтынньы 5 күнүгэр Үөгэн уопсай үөрэхтээһин сүрүн оскуолатыгар Учуутал күнүгэр аналлаах «Махтал,  учууталга!» диэн  учууталлар икки ардыларыгар күрэхтэһии буолан ааста. Учууталлар «Англо-якутмат.ру» уонна «Мамонты» диэн икки хамаандаҕа арахсан бэйэ-бэйэлэрин кытта күөн көрүстүлэр.Күрэхтэһии барыта 4 түһүмэҕинэн барда. Бастакы түһүмэххэ оригинальнай эҕэрдэ, аат, девиз. Иккис түһүмэххэ «Оскуола олоҕуттан» көрдөөх түгэн – инсценировка.Үһүскэ оскуола олоҕуттан педситуациялар.Төрдүскэ  «Үөрэхпит кыһатын историятын сэгэтэн көрүү» викторина – оонньуу.

         Бары түһүмэхтэргэ учууталлар  олус көхтөөхтүк кыттаннар бэйэлэрин талааннарын,  талан ылбыт идэлэрин баһылаабыттарын көрдөрдүлэр. Онтон күрэхтэһиини үөрэнээччилэр имигэс үнкүүлэринэн,  ылбаҕай ырыаларынан   киэргэттилэр. Бырааһынньыгы  иилээн – саҕалаан алын кылаас учууталлара Еремеева Ф.И. уонна Келина М.Н  ыыттылар. Түмүккэ«Мамонты» хамаанда элбэх очкуону ылан кыайыылааҕынан таҕыста, онтон  үөрэнээччилэр учууталларыгар бэйэлэрэ оҥорбут сэмэй бэлэхтэрин үчүгэй быһыыга- майгыга  туттардылар.

 

Дата обновления страницы: 17.11.2017