Телефон доверия для детей, подростков и их родителей 88002000122

Yөрэнээччи буоларбыт —  үчүгэйтэн үчүгэй!

Хас биирдии киһи олоҕор аан бастакы өйдөбүнньүк  буолар кылаастаах, бастакы кинигэлээх, бастакы уруоктаах уонна   чугдаарар чуорааннаах, Билии  дойдутун бары кистэлэҥнэригэр    уһуйар, такайар –  маҥнайгы учууталлаах буолар.

Алтынньы 20 күнүгэр Үөгэн  сүрүн оскуолатын бастакы кылааһын үөрэнээччилэригэр «Үөрэнээччигэ  сүрэхтэнии» бырааһынньыга  өрө көтөҕүүлээхтик  буолан ааста. Бу аһаҕас дьарыгы учууталлара Ф.И.Еремеева  ыытта. Кырачаан үөрэнээччилэрбит дьиҥнээх үөрэнээччи буолбуттарын туоһулаан Билии дойдутун устун айаннаан араас билэр геройдарын сорудахтарын бэрт итэҕэтиилээхтик толордулар. Ол курдук оҕолор төрөппүттэргэ бары мустубут ыалдьыттарга ыһыллыбыт чыыһылалары бэрээдэктээн көрдөрдүлэр, көрдөөх задачалары суоттаатылар, сүһүөхтэри холбоон тыллары таһаардылар уонна бэйэлэрин хомоҕой хоһооннорун аахтылар, ылбаҕай ырыаларын бэлэхтээтилэр.

Түмүккэ оҕолор, бары  бэриллибит  тургутууну этэҥҥэ ааһан дьиҥнээх үөрэнээччи аатын ылан андаҕар эттилэр, туоһу сурук уонна өйдөбүннүк кинигэ бэлэхтэри туттулар.

Дата обновления страницы: 17.11.2017