Көмүс күһүн бэлэ5э

        Балаҕан ыйын 19 күнүгэр Үөгэн сүрүн оскуолатыгар үгэскэ кубулуйбут «Көмүс күһүн бэлэҕэ» күрэх бэрт тэрээһиннээхтик уонна көхтөөхтүк ыытыллан ааста. Үөрэнээччилэр икки хамаандаҕа арахсан күөн көрүстүлэр. Бырааһынньык «квест- оонньуу» быһыытынан барда.Бу оонньууга оҕолор хас да түһүмэҕинэн күрэхтэстилэр. Түһүмэххэ көмүс күһүҥҥэ сыһыаннаах араас ребустары, таабырыннары, өс хоһооннору таайдылар, палитра5а акварель көмөтүнэн дьүһүннэри таһааран оҕуруот астарын уруһуйдаатылар уонна сыал ыттылар. «Саамай саамай…» түһүмэххэ дьикти көрүҥнээх, ыарахан ыйааһыннаах оҕуруот астарын аҕалан быыстапкаҕа туруордулар. «Дьикти бүлүүдэ» түһүмэҕэр оҕолор төрөппүттэрин кытары астаабыттарын көрдөрдүлэр уонна көмүскээтилэр. Күрэх түмүгүнэн хамаандалар бааллара тэҥнэһэн «доҕордоһуу кыайда» диэн түмүккэ кэлэн үөрэ-көтө дьиэлэригэр тарҕастылар.

                                                          Ааптар: математика учуутала Василина Артуровна Макарова