Алтынньы 12 күнүгэр 4 чаастан Норуоттар икки ардыларынааҕы Кыргыттар күннэригэр аналлаах төгүрүк остуол буолан ааста. Оскуола бары кыргыттара, учууталлар “Кыргыттар тоҕо баттахтарын хомуна сылдьыахтаахтарый?”, “Кыргыттар тоҕо платье, юбка кэтэбитий?” диэн икки сүрүн теманан санааларын үллэһиннилэр, омук кыргыттарын былыргы таҥастарын, араас кэмнээҕи бүрүчүөскэлэри презентациянан көрдүлэр, саха кыыһын уратытын, аналын, тас көстүүтүн, таҥаһын-сабын суолтатын итэҕэли кытта дьүөрэлээн ырытыстылар, баттахха иилинэр киэргэл бэлэх тутан үөрэн-көтөн тарҕастылар.
