Олоҥхо нэдиэлэтэ

Сэтинньи 25 күнэ Саха сирин үрдүнэн «Олоҥхо күнүнэн” биллэриллибитэ быйыл хаһыс ды сыла буоларын саха тыллаах барыта билэр буолуохтаах. Бу күнтэн саҕалаан өрөспүүбүлүкэ үрдүнэн араас хабааннаах тэрээһин буолла. Ол курдук, Үөгэн оскуолата  сылын аайы, үгэс курдук, Олоҥхо декадатын көрсө  “Олоҥхо дойдутун о5отобун” диэн ааттаах дьоро киэһэлэри быйыл эмиэ ыыттыбыт.

Сүрүн тэрээһиммит киириитигэр алын кылаас учуутала Еремеева Ф.И. бэсиэдэ ыытта, олоҥхоһуттары иһитиннэрдэ.  Салгыы бастакы кылаастартан саҕалаан уоллуун-кыыстыын бары   олоҥхоттон биир талбыт оруолларын быһа тардан  толорон көрдөрдүлэр.  Манна суруннээн, оруолга киириини, таҥаһы-сабы  сыаналаатылар. Бу курэххэ абааһы уолун, абааһы кыыһын оруолун, Дьулуруйар Ньургун Боотуру, Туйаарыма Куону, Мөҥүрүүр Бөҕөнү, Айталыын Куону, сорук боллур оҕо оруолун ордук итэҕэтиилээхтик толордулар.

Маны таһынан, саха тылын уонна литературатын учуутала Слепцова А.А. “Олоҥхо дойдутун устун айан”  диэн интеллектуальнай оонньуу ыытта. Оҕолор икки хамаандаҕа арахсан ыйытыктарга эппиэттээтилэр.

Нэдиэлэ түмүгэр  кыайыылаахтары наҕараадалаан бириис туттардыбыт.