Өрөспүүбүлүкэтээҕи саха тылын олимпиадата
Быйыл олунньу 3-4 күнүгэр саха тылыгар уонна литературатыгар өрөспүүбүлүкэтээҕи олимпиада буолан ааста. Онно оройуон иһинэн ыытыллыбыт олимпиада түмүгүнэн сүүмэрдэммит оҕолор Өймөкөөн, Муома, Уус-Алдан, Таатта, Мэҥэ-Хаҥалас, Бүлүү, Ньурба, Үөһээ Бүлүү, Сунтаар курдук улуустартан уонна Дьокуускай куорат республиканскай лицейиттэн ыҥырыллан кэлэн кыттыыны ыллылар. Биһиги оскуолабытыттан 9 кылаас үөрэнээччитэ Филиппова Уйгулаана саха тылыгар уон алта оҕоттон бастакы миэстэни ылан, грамотанан уонна мэтээлинэн наҕараадаланна.
