Балаҕан ыйын 21 күнүгэр, Үөгэн сүрүн оскуолатыгар «Төрөппүт уонна оскуола-биир ситим» төрөппут мунньаҕа буолан ааста. Мунньаҕы салайан ыытта быйыл ананан кэлбит дириэктэрбит Лилия Гаврильевна Слепцова.
Мунньахха көрүллүбүт боппуруостар:
1. 2022-2023 үөрэх дьылын отчуота.
2. Саҥа үөрэх дьылын былаанын бигэргэтии.
3. Төрөппүт сэбиэтин үлэтин сырдатыы, чилиэннэри талыы.
4. Воркшоп көмөтүнэн төрөппүт уонна оскуола ситимнээх үлэтигэр бырайыак оҥоруута.
4. Ыйытыыларга хоруй, санаа атастаһыы, уураах ылыныы.
Мунньах саҕаланыытыгар «Үтүө санаа тыллара» сэргэх оонньуу ыыппыппыт. Салҕыы иитэр-үөрэтэр үлэ тула отчуот, сыллааҕы былааны билиһиннэрии, бигэргэтии, оскуола үлэтигэр туох саҥа сүүрээн киирэрин иһиттибит. Мунньах солун өттүнэн воркшоп буолла. Лилия Гаврильевна воркшоп ньыманан бырайыак суруйарга төрөппүттэри үөрэттэ, сүбэлээтэ түмүгэр төрөппүт уонна оскуола ситимнээх үлэтигэр икки бырайыак оҥоһуллан таҕыста. Бары өрө көтөҕүүлээх мунньахтан астынан тарҕастыбыт.

Аватар: Валерия Поисеева дириэктэри иитэр үлэҕэ солбуйааччы.